💀Russian Sleep Experiment💀💉 (sinhala)

මිනිසුන් යක්ෂයන් කළ නිද්‍රා පරීක්ෂණය

ලෝකයේ ඉතා ඈත අතීතයේත් වර්තමානයේත් රහසිගතව හෝ නීත්‍යානුකූලව මිනිසුන් යොදාගෙන සිදු කරන පරීක්ෂණ බොහොමයක් සිදු වෙමින් පවතිනවා. මේ අතුරින් ඉතිහාසයේ මිනිසුන් යොදාගෙන සිදු කල අති බිහිසුණු පරීක්ෂණයක් ලෙස සැලකෙන්නේ රුසියාවේ මිනිසුන් යොදාගනිමින් සිදු කල නිද්‍රා පරීක්ෂණයයි.වසර ගණනාවක් ගත වූ පසු පර්‍යේෂකයින් විසින් මෙම කුරිරු අමානුෂික පරීක්ෂණයේ සුළමුල සොයාගැනීමට සමත් වුනා. මේ ඒ බිහිසුණු පරීක්ෂණයේ මෙතෙක් හෙලි නොවූ අභීරහස් රැසක එකතුවයි.
1940 වසරේ සොවීයට් දේශයේ පරීක්ෂකයින් පිරිසක් විසින් සුවිශේෂී පරීක්ෂණයක් දියත් කර දිගු කාලයක් පුරා පුද්ගලයෙක් අවදියෙන් තබා ගත හැකි ඖෂධයක් සොයා ගැනීමට සමත් උනා. මේ ඖෂධය වඩාත් උපකාරී වූයේ යුධමය කටයුතු වලදී සොල්දාදුවන් අවදියෙන් තබා ගැනීමටයි. දෙවන ලෝක යුද්ධයේදී ජර්මනිය සතුව ඔවුන්ගේම ඖෂධයක් ලෙස හැදින්වුනු පෙවර්ටින් නම් ඖෂධය නිරන්තර භාවිතයට ගෙන තිබුණා. ඇමරිකාවත් මේ කාලයේදීම එවැනි ඖෂධ අත්හදා බැලීම් වලට යොමු වී තිබුණු නිසා රුසියාව වහ වහා තමන්ගේ ස්වකීය පරීක්ෂණ දියත් කරමින් සිටියා. කෙසේ වෙතත් අවසානයේ සකස් කරනු ලැබූ ඖෂධ මිනිසුන් ලවා පරීක්ෂා කර ගැනීමට රුසියානු බලධාරීන්ට අවශ්‍ය වුනා.1940 වසරේ ඔනෑවටත් වඩා සිරකරුවන් සිර කදවුරු වල සිටි නිසා මේ පරීක්ෂණ ප්‍රමාද කිරීමේ අවශ්‍යතාවයක් ඔවුන් සතුව තිබුණේ නැහැ.
ඒ අනුව තෝරාගත් ඉඩකඩක සිරකරුවන් පස් දෙනෙක් දමා තිබූ අතර පාලනය කල හැකි තත්වයක් යටතේ ඖෂධය රැගත් වායූන් සහ ඔක්සිජන් සැපයීම සිදු කරනු ලැබුවා.සිරකරුවන් සියලු දෙනාට ප්‍රමාණවත් තරම් වියළි ආහාර, ගලා යන ජලය සහ වැසිකිලි පහසුකම් ද සපයා තිබුණා.ඔවුන්ගේ ක්‍රියාකාරකම් නිරීක්ෂණය කල හැකි පරිදි මයික්‍රොෆෝන සහ විඩීයෝ කැමරාද ස්තානගත කිරීමට බලධාරීන් අමතක කලේ නැහැ.

පළමු දින තුන තුලදී මිනිසුන් පස් දෙනාම ඉතා හොද සෞඛ්‍ය තත්වයකින් යුතුව කල්ගත කරන ආකාරය දැක ගැනීමට හැකි වූ අතර ඔවුන් එකිනෙකා සමග කතා බහ කරමින් ආහාර අනුභව කරමින් කාලය ගත කරන ආකාරය පර්‍යේෂකයින් විසින් නිරීක්ෂණය කර තිබුණා. සිරකරුවන් පස් දෙනා නොනිදා දින 30 ක් කාලය ගත කලහොත් ඔවුන්ට නිදහස ලබා දීමට සෝවියට් බලධාරීන් එකග වී තිබුනා.ප්‍රමාණවත් ආහාර ජලය සහ වැසිකිලි පහසුකම් සපයා තිබියදී සිරකරුවන්ගේ එකම අරමුණ බවට පත් වුනේ දින 30 සාර්තකව ගත කර තමන්ගේ නිදහස ලබා ගැනීමයි.

කෙසේ වෙතත් හතරවන දිනය අවසානයේ සිරකරුන් පස් දෙනාගේ පැහැදිලි වෙනසක් අත් දැකීමට පර්‍යේශකයින් සමත් උනා.එදින සවස් වන විට ඔවුන් තමන්ගේ ජීවිතය තුල අත් විදි භයානක අත්දැකීම් සහ යුධ සමයේදී තමන් අත් විදි භයානක සිදුවීම් පිලිබද කතා කරන්නට පටන් ගත්තා.තමන්ගේ පවුලේ සාමාජිකයන්ගේ වියෝ වීම්, තමන් ඉදිරිපස සිදුවූ භයානක ඝාතන ඔවුන්ගේ කතා මාතෘකාව බවට පත් වී තිබුණා. කෙසේ වෙතත් පස් වන දිනය වන විට තත්වය තවත් නරක අතට හැරී තිබුනා.ඔවුන් මනෝ විකාරයෙන් කටයුතු කරන්නට පටන් ගත් අතර මයික්‍රොෆෝන වලට කොදුරමින් තමන් අත් විදි භයානක සිදුවීම් පවසන්නට පටන් ගෙන තිබුණා. රුසියානු පර්යේකයින් නිගමනය කලේ දින පහක් පුරා නිසි නින්දක් නොමැති වීම නිසා ඔවුන්ගේ මනස ව්‍යාකූල තත්වයට පත් වී ඇති බවයි.නමුත් ඔවුන්ට පැහැදිලිවම නිගමනය කර ගැනීමට අපහසු වූයේ මේ තත්වයට වඩාත් බලපාන්නේ ඔවුන් විසින් නිශ්පාදනය කල ඖෂධයේ බලපෑමද එසේත් නොමැති නම් නිදි වර්ජිතව දින පහක් ගත කිරීමද යන්නයි.

දින නවයක් ගත වන විට එක් සිරකරුවෙක් නොනවතවා කැගැසීමට පටන් ගත් අතර කෑ ගසමින් කාමරය පුරා ඔබ මොබ දිවීම ඔවුන් දිනය පුරා සිදු කර තිබුණා. නොනවත්වා කෑ ගැසීම නිසා ඔහුගේ උගුරේ ස්වර තන්ත්‍ර සම්පූර්ණයෙන්ම ඉරී ගොස් තිබුණා.මේ නිසා තව දුරටත් ඔහුගේ ශබ්දය පිටතට පැමිණීමක් සිදු වූයේ නැහැ. ඉන් දින කිහිපයකට පසු කුටිය තුල කිසිවෙකුත් සිට්න බවක් කැමරා වල දර්ශණය නොවීම පර්‍යේශක්‍යින් විමතියට පත් කල කාරණයක් බවට පත් උනා.නමුත් පස් දෙනෙකුට සරිලන ලෙස ඔක්සිජන් වැයවෙන බව අදාල මිනුම් උපකරණ වල සදහන් වී තිබුණා. පර්‍යේෂකයින්ට පරීක්ෂණයට බාධා කිරීමට අවශ්‍ය නොවුනත් මේ වෙලාවේ සිදු කල හැකිව තිබූ එකම දෙය වූයේ සිරකුටිය අභ්‍යන්තරය පරීක්ෂා කිරීමයි.

මයික්‍රොෆෝනයට ලංවූ නිලධාරීයෙක් ඇතුලේ සිටි සිරකරුවන් අමතා කතා කල විට එක් පුද්ගලයෙක් පෙරලා ප්‍රකාශ කලේ ඔවුන්ට තව දුරටත් නිදහස් වීමට අවශ්‍යතාවයක් නොමැති බවයි. කෙසේ වෙතත් ඉන් පසුවත් බිහිසුණු කෑ ගැසීම් සහ ශබ්දයන් බාහිරයට ඇසෙන්නට පටන් ගෙන තිබුණා. කෙසේ වෙතත් 15 වන දිනය අවසාන වන විට කුටිය විවර කිරීම හැරුණු විට සිදු කල හැකි වෙනත් යමක් තිබුණේ නැහැ. දොර විවර කල සැනින් ඔවුන්ට දැක ගැනීමට හැකියාව ලැබුනේ එක් සිරකරුවෙක් මිය ගොස් ඇති ආකාරයයි.

අනෙක් සිරකරුවන්ගේ සිරුරු වලත් රුධිරය ගලන විශාල තුවාල තිබෙන ආකාරය ඔවුන්ට දැක ගැනීමට හැකියාව ලැබුනා. එක් පුද්ගලයෙකුගේ ශරීරයේ පපු ප්‍රදේශයේ අස්ති පවා බාහිරයට නිරාවරණය වී තිබුණා. තවත් අයෙකුගේ පෙනහැලි පිටතට පෙනෙන තරම් තුවාල විශාල වී තිබුණා. ශරීර අභ්‍යන්තර අවයව බොහොමයක් කුටියේ බිම තිබී හමු වූ අතර සිරකරුවන් ඒවා අනුභව කරන්නට පටන් ගෙන තිබුණා.වඩාත් ත්‍රාසයට හේතු වූ කාරණය වූයේ සිරකරුවන් තමන්ගේ ශරීර කොටස් සහ අනෙත් අයගේ ශරීර කොටස් විශාල කැමැත්තකින් යුතුව ආහාරයට ගැනීමයි.

පර්‍යේශකයින් වහාම හමුදා සහය ඉල්ලා සිටි අතර සොල්දාදුවන් කිහිප දෙනෙක් ඔවුන් පාලනය කිරීම සදහා පැමිණියා. ඔවුන්ගේ පැමිණීමත් සමග සිරකරුවන්ගේ හැසිරීම තවත් දරුණු වූ අතර ඔවුන් තමන්ගේ උගුර සහ වෘෂණ කෝශ කඩා ඉවත් කර ගනිමින් අතිශය දරුණු ලෙස හැසිරෙන්නට පටන් ගත්තා. මේ කලහය අතරතුරේදී හමුදා සෙබලුන් 5 දෙනෙකුද තමන්ගේ ජීවිත අහිමි කර ගත්තා. මේ සිදුවීම ඇසින් දුටු කිහිප දෙනෙක් කිහිප වතාවකදී සියදිවි හානි කරගත් බවද සදහන් වෙනවා. ඉතා විශාල පරිශ්‍රමයක් දරා සිරකරුවන් වෙනත් කුටියකට මාරු කෙරුණු අතර එහිදී ඉතා කුරුරු සතෙක් පාලනය කිරීමට ප්‍රමාණවත් වන තරම් මෝෆීන් ප්‍රමාණයක් ඔවුන්ගේ ශරීර වලට එන්නත් කරනු ලැබුවා. අධික මාත්‍රාවකින් මෝෆීන් එන්නත් වීම නිසා එක් පුද්ගලයෙක් සිහිසුන්ව ඇද වැටුණු නමුත් ඔහු එක දිගටම කෑ ගසන්නට පටන් ගත්තා. ඔහු වරින් වර ඉල්ලා සිටියේ සෝවියට් ජාතික පර්‍යේශකයින් විසින් නිර්මාණය කර වායුවක් ලෙස සිර කුටියට දැමූ වායූවයි.

අනෙක් තිදෙනා යම් පාලනයකට නතු කරනු ලැබූ අතර ඔවුන් තිදෙනා විශේෂ ප්‍රතිකාර ඒකකයට ඇතුලත් කරනු ලැබුවා. ඉන් එක් පුද්ගලයෙකුගේ ශරීරයට අධික හානි සිදු වී තිබුණු අතර ඔහුගේ ශරීරයේ අවයව රාශියක් ඉවත් වී තිබුණා. ඔහුට සැත්කමක් සිදු කිරීමට යන අවස්තාවේදී ඔහු එම ස්තානයේදීම මිය ගොස් තිබුණා.පශ්චාත් මරණ පරීක්ෂණයේ සදහන් වී තිබුණේ ඔහුගේ අස්ති නවයක් බිදී ගොස් ඇති බවයි.එසේම ඔහුගේ ශරීරය පුරාම මාංශ පේශී ඉරී ගොස් තිබුණා. අනෙක් දෙදෙනාගේ ජීවිත බේරා ගැනීම සදහා වෛද්‍යවරුන් උත්සාහ කලේ ඉන්පසුවයි.නමුත් ඔවුන් හොදින් පරීක්ශා කිරීමෙන් පසුව වෛද්‍රව්‍යරුන් තීරණය කලේ මේ තරම් හානියක් සිදු වීමෙන් පසුව ඔවුන්ට කිසි ලෙසකින්වත් ජීවතුන් අතර සිටිය නොහැකි බවයි. මෙම පුද්ගලයන්ට ප්‍රතිකාර කරන අතර එක් මිනිසෙක් තමන් සමග සිනා සුනු බව හෙදියක් ප්‍රකාශ කර තිබුණා. ඉන්පසුව ඔහු යමක් ප්‍රකාශ කිරීමට උත්සාහ කරන බව දුටු ඇය වහාම ඔහුට පෑනක් සහ පොතක් ලබා දී තිබුණා. ඔහු එහි සටහන් කර තිබුනේ තමන්ගේ ඉල්ලීමක්. එහි සටහන් කර තිබුණේ තමන්ගේ ශරීරය තවත් කපා දමා සැත්කම් සිදු කරන ලෙසයි, අනෙක් රෝගීයා යතා තත්වයට පත් කරන අතරතුරේ ඔහු වරින් වර කෑ ගැසීමත් සිනා සීමත් නිරන්තරයෙන් සිදු කර තිබුණා. ඔහු වරින් වර ඉල්ලා සිටියේ තමන්ට අවදි වී සිටීම සදහා පෙරදී ලබා දුන් ඖෂධය අවශ්‍ය බවයි.

ඉන්පසුව බලධාරීන් විසින් ඔවුන් දෙදෙනා නැවතත් සකසන ලද වායුව ආඝාණය කිරීම සදහා කුටියකට දැමූ අතර ඉන් පැය කිහිපයකට පසු තවත් පුද්ගලයෙක් මිය ගොස් තිබුනා. මෙතෙක් සිදු වූ සියල්ල දරා ගැනීමට අපහසු වූ වෛද්‍රයවරයෙක් විසින් අවසන් පුද්ගලයාට වෙඩි තබා ඝාතනය කර තිබුණා. මෙම දරුණු පරීක්ෂණය අවසන් වූයේ එලෙසයි. කෙසේ වෙතත් බොහෝ දෙනා පවසන්නේ මේ පරීක්ෂණය සත්‍යයක් විය නොහැකි බවයි. එයට හේතුව වන්නේ පුද්ගලයෙක් දින දෙකකට වඩා වැඩි කාලයක් නොනිදා පහන් කිරීමෙන් ඉතා දුර්වල තවත්වයට පත් වනවා විනා මේ ආකාරයේ බිහිසුණු පුද්ගලයෙක් බවට පත් වීම කිසිසේත්ම සිදු නොවීමයි. එසේම යම් හෙයකින් පුදලයෙක් තමන්ගේ අභ්‍යන්තර ශරීර අවයව වලට හානි සිදු කර ගත්තේ නම් එම පුද්ගලයාට ජීවත් වීමට හැකි කාලය ඉතා සීමා සහිත වීමද මෙය හුදෙක් ප්‍රබන්ධයක් බව පැවසීමට හේතු වී තිබෙනවා.

කෙසේ නමුත් තවත් සමහරක් දෙනා විස්වාස කරන්නේ අප චිත්‍රපට වලින්, කතා මාලා වලින් දැක ඇති සොම්බීන් ගේ ස්වාභාවයට මේ මිනිසුන් පත් වන්නට ඇති බවයි. කෙසේ නමුත් එය විද්‍යාත්මකව සනාත කර නොමැති නිසා මේ සිදුවීම් සමුදාය සත්‍යය හෝ අසත්‍ය බව පැවසීමට හැකියාවක් අපට නැහැ. මෙම පරීක්ෂණ රහසිගතව සිදු කිරීමත්, ඉන්පසුව ඒවා හැකි තරම් වසන් කිරීමත් බාහිර සමාජයට සත්‍ය දැනගැනීම සදහා විශාල බාධකයක් බවට පත් වී තිබෙනවා.කෙසේ වේතත් පර්‍යේශකයින් විසින් විවිධ ක්‍රම වලින් සොයාගත් මෙම අභිරහස් පරීක්ෂණය සත්‍ය වශයෙන්ම සිදු වූවා නම් එය ලෝකය තුල මිනිසුන් යොදා සිදු කල බිහිසුණුම පරීක්ෂණය බව පැවසීමේ වරදක් නැහැ.

©obadhannawadha01_lk©